ليش كبال عينك ترجف الاشعار

ليش گبال عينك ترجف الأشعار
دفك سجن القصايد واسجن أحزاني

متعود أشوفك تضوي نص الليل
وآني وياك چن بعالم الثاني

نتسامر عشگ ونطوف بالأكوان
ونخلي النجوم تصير باحضاني

خايف بس حلم يمكن أفز مرعوب
لو لحظة أفكر إنتة تنساني

لو يمكن بعيد وآني بالأوهام
شيدت القصور وصغت بنياني

شگد صعبة الجرف لمن يشوف الماي
متكتر بعيد وضفتة تعاني

شگد صعبة الحلم يغفة علة حس الناي
خلص ليل صبرة يتاني ويتاني